مساجله
هذه مساجله اجریتها عن طریق النقال حیث ارسلت للاخوه الشعراء بیت ابوذیه و اجابوا علیه جزاهم الله خیرا
البیت یقول
عساها بخير بشرني حوالاك
وعسه بس الفرح ربي حوالاك
اظن اصحاب صارولك حوالاك
ونسيت وبعد ماتنشد علیه
اجاب الشاعرالکبیر الاستاذ الدکتور عباس عباسی الطائی قائلأ
الوكت يا خوي شالع لي حوالاي
انا اشگف والقصف یردم حوالاي
چثیره ناس بالغربه حوالاي
مثلكم وين يوجد عل وطيه
اجاب الشاعر والخطیب الاخ ملا غلام ابومحمد البوغبیش قائلأ
اگل دنیای بالفرحه حوالی
همی وفلش المرمرحوالی
لون من الربع عسکرحوالی
ابدا"مایسدفیتک علیه
اجاب الشاعر الموهوب محمود الباوی قائلأ
حال الشمع من فرگاک حالای
.یکش جلدی ویطش کلساع حالای
.ماتت امنیاتی وریت حالای
امل واحد امل شوفک الیه
اجاب الشاعر العزیز محمد صدام الکعبی قائلأ
تراهي ابخير اذا تنشد حوالاي
و زياره للرضا (ع) ربي حوالاي
صحيح احباب موجوده حوالاي
لچن ذچرك يمر صبح و مسيه
اجاب الشاعر الموهوب بشیر الصرخی قائلأ
مضن الخيرمس لحظه حوالاي
اسااوهم اوحزن وكتي حوالاي
ولاكن لو احس انته حوالاي
اشوف الخيرجن يمطرعليه
اجاب الشاعرالموهوب عبدالله النعیماوی قائلأ
كلبي ماحام اعله غيرك حاملك
وبلكلب تنور من حب حاملك
انته سيفي وللكلايف حاملك
تنزع اكرابك ابيوم الموزمات
اجاب الشاعر الاخ مصطفی کثیر قائلأ
الدهر عضیم یا صاحب وحالای
اصطفانی واجرعت مره وحالای
لون تنشد علی اوضاعی وحالای
الم و اهموم و احزان واذیه
ضیم و الم یلتنشد حوالای
وبس نوح الدهر صدگ حوالای
صدقانی ابعدت محد حوالای
ابسبب ضیمی جفوا واگطعوا بیه
اجاب الشاعر الاخ عادل خلف الساری قائلأ
یهل تـنشد عله صحـتي وحالای
إلعلگم عسـل إبوصلک وحالای
شـبه وحیه إلنحل ربک وحالای
من سابع سمه حبک إلیه
مدونه الادیب